महत्वपूर्ण भौगोलिक दिनहरु

सूर्यको किरण पृथ्वीमा पर्ने सन्दर्भमा चार भौगोलिक दिनहरु महत्वपूर्ण मानिन्छन् ।  १. मेष विषुवत् दिन २. दक्षिणायन आरम्भ दिन ३. तुला विषुवत् दिन र ४.  उत्तरायणारम्भ दिन।
आज उत्तरी ध्रुव र दक्षिणी ध्रुवमा बाहेक सबै तिर दिन र रात बराबर हुने भौगोलिक महत्त्वको मेष विषुवत्को दिन। आजको दिनलाई अंग्रेजीमा VERNAL EQUINOX भनिन्छ । विषुवत् दिनमा सूर्य भु–मध्यरेखाको ठिकमाथि पर्न आउँछ र जस्को कारणले पृथ्वीका दुवै गोलार्धमा सूर्यको किरणले समान रुपले पर्दछ र ध्रुवमा बाहेक सबै तिर दिन र रात बराबर हुन्छ । भोलीबाट उत्तरी गोलार्धमा रात भन्दा दिन लामो र दक्षिणी गोलार्धमा दिन भन्दा रात लामो हुन थाल्छ । त्यसैगरी उत्तरी ध्रुव छ महिनाको अवधि सम्म उज्यालो र दक्षिणी ध्रुव छ महिनाको अवधि सम्म अन्धकारमा रहन्छ ।