शपथग्रहण कमजोर लग्नमा

शपथग्रहण कमजोर लग्नमा
( ज्यो. रामानन्द शर्मा) नवनियुक्त प्रधानमन्त्री माधवकुमार नेपालले संविधानसभामा बहुमत पुर्याउँदाको दिन यही ९ गते शनिबार महिनाभरिकै सबभन्दा नराम्रो दिन कृष्णपक्षको चतुदशी परेकाले वर्तमान सरकारका लागि त्यति अनुकूल देखिँदैन।

उहाँले प्रधानमन्त्री पदको शपथ गर्दाको सोमबार बिहान ११ बजेर ८ मिनेटको समय पनि लग्नको हिसाबले निकै कमजोर मानिन्छ। जबकि ११ बजेर ७ मिनेटसम्म कर्कट लग्न र त्यसपछि सिंह लग्न शुरू भएको थियो।

बहुमत पुग्दा सबभन्दा नराम्रो दिन र शपथग्रहण गर्दा अत्यन्तै कमजोर लग्न भएकाले वर्तमान प्रधानमन्त्रीको प्रधानमन्त्रीय आयु पनि त्यति लामो देखिँदैन। विशेष गरी शपथग्रहण गरेको ५८ दिनपछि प्रधानमन्त्रीको दिनगन्ती शुरू हुने ज्योतिषीय योग देखिन्छ।